Анъанавий тарзда ҳар йили ўтказиб келинаётган «Dance Music Fest» мусиқий фестивали бу сафар «Ашхобод» маданият ва истироҳат паркида ташкил этилди. Бу ҳақда туризмни ривожлантириш давлат қўмитаси матбуот хизмати маълум қилди.
«Электрон мусиқа фестивали 3 йилдан буён ўтказиб келинмоқда ва йилдан йилга унга қизиқиш билдираётган кишилар сони ортиб бормоқда. Бу йил сиз янада кўпроқ мусиқа, ҳам маҳаллий, ҳам хорижий DJ'ларнинг чиқишларидан баҳра олишингиз мумкин. Уч кун давомида йиғилганларни франциялик Dj Bens, Ромпассо номи остида ижод қилувчи россиялик DJ ва продюсер Роман Крилов, франциялик DJ, қўшиқчи ва бастакор Уилли Уильям, нидерландиялик DJ Жаноб Уайт, россиялик продюсер ва DJ Шапов, белгиялик DJ'лар дуэти Double Pleasure, нидерландиялик DJ ва мусиқий продюсер Quintino ва беларуслик рэп-ижрочиси CYGO турфа хил композициялар билан сийлайди. Дам олиш кунларини дўстларингиз даврасида аъло кайфиятда ўтказишни истасангиз, албатта, «Ашхобод» паркига ташриф буюринг!», – дейди фестиваль бош ташкилотчиси «Art Uz Promotion Agency» директори Музаффар Сиддиқов.
«Эслатиб ўтамиз, фестиваль 18 августга қадар давом этади», дейилади хабарда.
Изоҳ (0)