Украинанинг Коррупцияга қарши миллий бюроси (КҚМБ) била туриб айбсиз шахсни жавобгарликка тортиши юзасидан Хавфсизлик хизмати раҳбари Василий Грицакка жиноий иш қўзғатди. Бу ҳақда «РИА Новости» хабар бермоқда.
Хабарда айтилишича, Киевнинг Соломенский туман суди қарорига кўра Грицакка нисбатан «айблов далилларини сунъий равишда яратиш» ва бошқа сохталаштиришлар бўйича судгача тергов ҳаракатлари бошланган.
Украина Хавфсизлик хизмати раҳбари ўз лавозимини суиистеъмол қилиш, пора олиш ва мансаб сохтакорлигида гумонланмоқда.
Бу ишга Грицакдан ташқари унинг собиқ биринчи ўринбосари, Волин тумани прокуратураси ходимлари, Бош тергов бошқармаси бошлиғи ва бошқа мансабдор шахслар ҳам алоқадор.
Айни пайтда 5 йилдан 10 йилгача озодлик маҳрум этиш жазоси кўзда тутилган Украина Жиноят кодексининг 372-моддаси 2-қисми билан тергов ҳаракатлари олиб борилмоқда.
Июнь ойида Олий Рада президент Владимир Зеленскийнинг Грицакни истеъфога чиқариш талабини бажаришдан бош тортган эди.
Изоҳ (0)