Трамп АҚШда руҳий касалхоналарни кўпайтиришга чақирди

АҚШ президенти Дональд Трамп отишмалар билан боғлиқ фожиалар ортиб бораётгани сабабли мамлакатда 60—70 йилларда ёпилган руҳий касалхоналарни яна очиш зарур деб ҳисобламоқда. Бу ҳақда «Korrespondent.net» хабар берди.

«Биз яна руҳий касалхоналарни қуришни бошлашимиз керак», — деган у.

«Агар 60—70 йилларни эсласак, жуда кўп шундай руҳий касалхоналар ёпилиб, одамлар шунчаки кўчага чиқариб юборилди. Бу мамлакатимиз учун даҳшатли эди. Улар ёпилиб кетди. Шаҳарлар уларни таъминлай олмасди, шу сабабли улар ёпилиб кетди», — деб таъкидлаган Трамп.

Шунингдек, руҳий касалхоналарни яна очиш лозимлиги, бундай одамлар кўчада юришига йўл қўймаслик кераклигини қўшимча қилган.