Асли курдистонлик бўлган 29 ёшли Меван Бабакар орадан 24 йил ўтиб қочоқлар лагерида ўзига велосипед совға қилган нидерландиялик билан учрашди, деб хабар беради Meduza.
Меван болалигида оиласи билан Ироқни тарк этишга мажбур бўлган. Улар Туркия, Озарбайжон ва Россия орқали Европадаги қочоқлар лагерига етиб борган.
Легарда ишлаб юрган эркак беш ёшли қизалоққа велосипед совға қилган. Меван ушбу хайрли ишни эслаб қолган ва орадан 24 йил ўтгач, ўша эркакни топишга қарор қилган. У узоқ муддатга таътил олиб, Зволлега йўл олган ва Twitter’га ўзида бўлган ягона эски суратни жойлаштирган.
Орадан бир неча соат ўтгач, суратдаги одамни нидерландиялик журналист Арен ван дер Зее таниб қолган. Бироқ журналист эркакнинг исмини эслай олмаган.
Шундан сўнг, ван дер Зее ҳамкасблари ёрдамида суратдаги эркакнинг исми Эгберт эканлигини аниқлашга муваффақ бўлган. Эртаси куни эса Меван ва Эгберт узоқ айрилиқдан сўнг, учрашишган.
Изоҳ (0)