Ўзбекистон Президенти ҳузурида жорий йил 2 август куни бўлиб ўтган видеоселектор йиғилишида, тижорат банкларига юклатилган топшириқлар ижросини таъминлаш доирасида «Микрокредитбанк» АТБнинг Республика бўйлаб кичик бизнес ва тадбиркорлик субъектлари билан сайёр учрашувлари давом этмоқда.
Худди шундай учрашувларнинг бу галгиси 2019 йилнинг 15 август куни Наманган вилоятида ташкил этилди. Банк бошқаруви раиси Отабек Алмардонов ҳамда кичик бизнес ва тадбиркорлик субъектлари ўртасидаги мулоқотлар вилоятнинг Чуст туманида бўлиб ўтди.
Сайёр учрашувлар давомида, энг аввало, мамлакат Президенти томонидан қабул қилинган янги фармон ва қарорлар, банк тизими олдига қўйилаётган устувор вазифаларни амалга оширишда тижорат банкларининг ўрни ва аҳамияти, бу борада Республика миқёсида олиб борилаётган ишлар кўлами, мақсад ва вазифаларга батафсил тўхтаб ўтилди. Тадбиркорлик субъектларининг ҳуқуқ ва манфаатларини ҳимоя қилиб, уларни қийнаб келаётган муаммоларни бевосита жойида ўрганиш ва зудлик билан бартараф этиш, давлат ва маҳаллий дастурларга киритилган барча лойиҳаларни ўз вақтида молиялаштириш албатта, замон талаби.
Шундан келиб чиққан ҳолда, мулоқотлар давомида асосий эътибор кичик бизнес ва тадбиркорлик фаолияти билан машғул фуқароларнинг муаммоларига қаратилиб, уларнинг мулоҳазалари тингланди. Очиқ мулоқотлар давомида банк хизматлари кўрсатишда ҳеч бир сансоларликка йўл қўймаслик банкнинг ҳам, мижознинг ҳам манфаатига хизмат қилиши бот-бот таъкидланди.
Бундан ташқари, экспорт ва экспорт олди молиялаштириш, экспорт кредитлари ва таваккалчиликларини суғурталаш механизмларини самарали ташкил этиш, Вазирлар Маҳкамаси ҳузуридаги Тадбиркорлик фаолиятини ривожлантиришни қўллаб-қувватлаш давлат жамғармаси орқали олинадиган кредит фоизларини компенсация қилиш ва кафиллик бериш тартиблари бўйича батафсил маълумотлар берилди.
Бунда банк кредитларига оид 39 та масала, интернет-банк хизмати билан боғлиқ 22 та масала, бўш турган бино-иншоотларни нол қийматда олиш юзасидан 1 та масала, Кластер усулида қуёнчилик фаолиятини кенгайтиришда ёрдам сўраб 1 та мижозда масала, Хусусий мактабгача таълим фаолиятини йўлга қўйиш, чекка ҳудудда ҳаммом қуриш, тиббиёт соҳасидаги масалалар кўтарилди.
Сайёр учрашувларда тадбиркорлар томонидан йўлланган ҳар бир мурожаат диққат билан тингланиб, ўртага ташланган масалалардан 39 та қўшимча ўрганиш талаб этиладиган мурожаатни қисқа муддатларда ҳал этиш бўйича мутасадди раҳбарларга қатъий вазифа ва топшириқлар берилди.
Бир ҳақиқат аниқки, банк ва унинг филиаллари томонидан амалга оширилаётган ишларнинг барчаси халқ фаровонлиги ва даромадларини ошириш, фуқароларни янги иш ўринлари билан таъминлашда муҳим аҳамиятга эга.
Банк мутасаддиларининг мамлакат бўйлаб сайёр учрашувлари давом этмоқда.
Реклама ҳуқуқи асосида.
Изоҳ (0)