15 август куни соат 11:30 да Фарғона вилояти Марғилон шаҳри «Шолдирама» МФЙ Муқимий кўчасида жойлашган 29-уйда ёнғин содир бўлаётганлиги ҳақида ёнғин-қутқарув хизматига хабар келиб тушган, деб хабар беради ФВВ ЁХББ ОАВ билан ҳамкорлик қилиш бўлинмаси.
Воқеа жойига 5 та ёнғин ўчириш бўлинмаси жалб этилган. Биринчи бўлинмалар кўрсатилган манзилга соат 11:34 да етиб бориб, соат 11:39 да ёнғин қуршаб олинган ва соат 12:45 да тўлиқ бартараф этилган. Ёнғин ҳақида кеч хабар берилганлиги сабабли, жанговар бўлинмалар чақирилган манзилга етиб келганида, ёнғиннинг майдони кенгайиб кетгани маълум бўлган. Аланга қўшни хонадонларга ўтиб кетишининг олди олинган.
Ёнғин оқибатида уйнинг 200 квадрат метр майдонда томи, ички қисми ва уй жиҳозлари ёниб зарарланган. Ачинарлиси ёнғинни бартараф этиш вақтида уй эгасининг онаси 2-гуруҳ ногирони 1958 йилда туғилган фуқаро М.Т.нинг куйган ҳолдаги жасади топилган.
Ёнғин сабаби ва моддий зарар миқдори аниқланмоқда.
Изоҳ (0)