Кенияда марҳум махсус форма учун қабридан қазиб олинди (фото)

Кенияда марҳумнинг қабри махсус иш формаси сабабли дафн маросимининг эртасига қазиб олинди, деб ёзмоқда «Korrespondent.net».

Маълум бўлишича, Мартин Сикуку Алукое 31 ёшида дарёда чўкиб ўлган. У дафн этилган. Эртаси куни эса марҳум ишлаган ташкилот ходимлари келиб, унинг хизмат пайтида кийган махсус формани қайтаришни сўраган.

Алукое эса айнан шу иш кийимида кўмилган бўлган. Шунда ишчилар марҳумнинг оила аъзоларидан унинг қабрини кавлаб, формани ечишни талаб қилган.

Эксгумация учун суд рухсати талаб этилувчи маҳаллий қонун ва марҳумнинг оила аъзолари қаршилигига қарамай, улар Алукоени қабридан кавлаб олган. Ундаги формани ечиб, бошқа кийимга алмаштирган.

Марҳумнинг амакиси журналистлар олдида ғазаб билан сўзга чиққан ва дафн маросимида округ раҳбарияти ҳам бўлгани, унинг иш кийимида кўмилаётганига ҳеч қандай эътирозлар бидирмаганини айтган.