13 августнинг эътиборга молик янгиликлари — «Дарё» дайжестида.
Ўзбекистондаги тижорат банклари чет эл валюталарини сотиш ва сотиб олиш қийматини яна кескин кўтарди.
13 августдан бошлаб бир қатор банклар долларни 8940 сўмдан, еврони 9600 сўмдан сотиб олмоқда. Долларни сотиш курси эса 9000 сўмни, евроники 10 560 сўмни ташкил этмоқда.
***
Қирғизистон собиқ президенти Алмазбек Атамбаев давлат тўнтаришини уюштиришни режалаштирган. Бу ҳақда мамлакат миллий хавфсизлик қўмитаси раиси Ўрозбек Опумбаев маълум қилди.
«Унга давлат тўнтариши уюштириш учун қон тўкилиши керак эди. Бу унинг режаси бўлган», — деди Опумбаев.
***
Яккакураш спорт турининг аралаш тури бўйича жаҳон чемпиони Мурод Хонтўраевни пичоқлаган шахсларга нисбатан жиноят ишини кўриб чиқиш бўйича суд жараёни ниҳоясига етди ва суд ҳукми эълон қилинди.
Жиноят ишлари бўйича Шайхонтоҳур тумани суди С. Акбаровга 6 йил 3 ой муддатга озодликдан маҳрум қилиш жазоси, И. Абдулаҳатовга 6 йил 3 ой муддатга озодликдан маҳрум қилиш жазоси, С. Фатхуллаевга 6 йил муддатга озодликдан маҳрум қилиш жазоси, О. Содиқовга 6 йил муддатга озодликдан маҳрум қилиш жазоси, Т. Азизовга 6 йил 3 ой муддатга озодликдан маҳрум қилиш жазоси, Ж. Сайназаровга 3 йил озодликдан маҳрум қилиш жазоси ва С. Ваденовга 6 йил 3 ой озодликдан маҳрум қилиш жазоси тайинлади.
***
Шавкат Мирзиёев ҳокимларга пахта теримига бюджет ташкилотлари ходимлари олиб чиқилмаслигини эслатди.
«Бу йил пахта теримига мактаб, институт — умуман, бирорта бюджет ташкилотлари олиб чиқилмайди, эсларингдан чиқмасин», — дея таъкидлаган Шавкат Мирзиёев.
***
Ўзбекистонликлар орасида қайси ижтимоий тармоқлар энг машҳурлиги маълум бўлди.
Ўзбекистонликлар ижтимоий тармоқлар ичида энг машҳури деб Telegram ва YouTube’ни кўрсатган. Instagram, Facebook, VKontakte, Odnoklassniki, Linkedln, Twitter, Snapchat эса нисбатан камроқ фойдаланилади.
***
10 август куни Муборак инвестиция блокида янги нефть ва газ конденсати кони очилди.
Янги кон «Баҳористон» номи билан аталди.
Ҳозирда нефть қудуғуни 3000 метргача қазиш давом эттирилмоқда. Шунингдек, компания газни Муборак газни қайта ишлаш заводига етказиш учун 9,7 километр узунликдаги янги газ қувури қуришни бошлаб юборган.
Изоҳ (0)