Президент Шавкат Мирзиёев 12 август куни бўлиб ўтган видеоселектор йиғилишида ўзи ҳоким бўлиб ишлаган вақтларни эслади, деб ёзади «Kun.uz».
«Бизда 20 йил экспорт йўқ эди. Фақат газ билан пахта бор эди. Ҳозир биз янги босқичга кўтариляпмиз. Биз рақобатга тайёр бўлишимиз керак. Чегарани ёпиб қўявериб қашшоқ бўлиб юравердик. Танамизда қонимиз қолмади. Биз экспортни ривожлантиришимиз керак.
Экспортни кичик-кичик корхоналардан бошлаш керак. Ўша кичиклар йиғилиб катта бўлади. Масалан кўкатни 12 ой сотиш мумкин (Қашқадарё ҳокими Зафар Рўзиев россиялик инвесторлар кўкат экспорт қилмоқчи эканлиги ҳақида гапирди). Ерни ундан унумли фойдаланмоқчи бўлаётганларга бериш керак.
Мана, сизларга маҳаллийлаштириш бўйича ҳам ёрдамчи беряпмиз, пул беряпмиз. Мен ҳам ҳоким бўлганман, бизда бир сўм ҳам пул бўлмасди», — деб таъкидлаган Президент Шавкат Мирзиёев.
Изоҳ (0)