Бир муддат илгари «Дарё»да Самарқанд вилояти Ургут туманидаги Тўрткўл маҳалласида дунёга келган уч эгизак – Шавкатбек, Зироатхон ва Саидахон ҳақида мақола чоп этилган эди. Материалда тахминан уч ой муқаддам туғилган болаларга масъул ташкилотлар тарафидан эътибор қаратилмагани, айни пайтда оила моддий қийинчиликларга дуч келаётгани айтилган эди.
«Ургут садоси» газетасининг маълум қилишича, туман ҳокими ўринбосари, Хотин-қизлар қўмитаси раиси Замира Муртазоева эгизаклар ҳолидан хабар олиш учун уларнинг хонадонида бўлди. У гўдакларнинг онасига кир ювиш машинаси, эгизакларга эса кийим-кечак, тагликлар ва бошқа зарур буюмлардан иборат туман ҳокимлиги совға-саломларини топширди.
Шунингдек, туман тиббиёт бирлашмаси мутахассислари кичкинтойларни кўрикдан ўтказди ва эгизаклар парвариши учун керакли тавсиялар берди.
Изоҳ (0)