Мажбурий ижро бюроси Бектемир туман давлат солиқ инспекцияси фойдасига катта миқдордаги қарздорлик суммасини ундириб берди. Бу ҳақда МИБ матбуот хизмати «Дарё»га хабар берди.
Жиноят ишлари бўйича Бектемир туман судининг 2019 йил 28 июндаги ижро варақасига асосан, қарздор корхонадан ундирувчи Бектемир туман ДСИ фойдасига солиқ ва бошқа мажбурий тўловлардан бўлган қарздорликни қоплаш учун 2 миллиард 810 миллион 560 минг сўм пул маблағлари ундирувига боғлиқ ижро ижро ҳужжати мавжуд.
Ижро ҳаракатлари давомида, қарздор корхона ҳисоб рақамида сақланаётган 1 миллиард 272 миллион 35 минг сўм, 2 миллион 200 минг Россия рубли ва 144 минг 781 АҚШ доллари АIT «Ипак Юли» банкининг Чилонзор филиали махсус ҳисоб рақамларига ўтказилди.
Сўнгра, миллий валютасига конвертация қилган ҳолда жами 2 миллиард 810 миллион 560 минг сўм пул маблағлари Бектемир туман ДСИ ҳисоб-рақамига ўтказиб берилган.
Изоҳ (0)