Кеча, 3 август куни, йилнинг энг нуфузли ҳарбий мусобақаларидан бири 5-Халқаро армия ўйинларига старт берилди, дея хабар берди Мудофаа вазирлиги матбуот хизмати.
Бу йилги халқаро армия ўйинлари 3 августдан 18 августга қадар давом этади. Мусобақалар дунёнинг 10 давлатида — Озарбайжон, Арманистон, Беларусь, Ҳиндистон, Эрон, Қозоғистон, Хитой, Мўғулистон, Ўзбекистон ва Россия жами 21 та дала-ўқув майдонида бўлиб ўтади.
Москва вилоятида жойлашган «Патриот» паркида бўлиб ўтган тантанали очилиш маросимида Ўзбекистон Республикаси номидан мудофаа вазирининг биринчи ўринбосари, Қуролли Кучлар бош штаб бошлиғи генерал майор Павел Эргашев ва Мудофаа вазирлигининг «Алабино» дала-ўқув майдонида баҳсларга киришиш учун шай турган ҳарбий хизматчиларнинг бир гуруҳи иштирок этди.
Тантанали очилиш маросимини Россия Федерацияси мудофаа вазири армия генерали Сергей Шойгу ўз нутқи билан очиб берди. Шундан сўнг иштирокчи давлатлар ўз байроқлари остида саҳнага чиқиб келишди.
Изоҳ (0)