Аргентиналик ҳужумчи Лионель Месси КОНМЕБОЛ — Жанубий Америка футбол конфедерацияси томонидан уч ойга терма жамоа ўйинларидан четлатилди.
Шу тариқа Месси Аргентина терма жамоасининг 4 ўйинини ўтказиб юборади. У Германия, Чили ва Мексикага қарши учта ўртоқлик ўйини ва ЖЧ—2022 саралашидан ўрин олган битта учрашувда майдонга туша олмайди.
Шунингдек, Месси 50 минг доллар миқдорида жарима ҳам тўлайди. Лео ушбу қарор юзасидан 7 кун ичида аппеляция бериш имкониятига эга.
Эслатиб ўтамиз, Месси Копа Америка—2019 мусобақаси вақтида КОНМЕБОЛни коррупцияда айблаган эди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)