«Ўзбеккино» буюртмасига биноан продюсер Маҳмуд Эркабоев ва режиссёр Дилмурод Масаидовнинг «Қўқон шамоли» номли тарихий фильмининг суратга олиш ишлари якунланди.
Бу ҳақда фильм продюсери Маҳмуд Эркабоев журналист Феруз Муҳаммадга маълум қилди.
‘Қўқон шамоли’ тарихий-детектив жанрда суратга олинган фильмнинг суратга олиш ишлари 30 июнь куни ниҳоясига етган эди. Ижодий жамоамиз билан монтаж ишларини ҳам 30 июлда якунлаганмиз. Яъни суратга олиш жараёнида сёмка билан биргаликда монтаж ишларини ҳам қилгандик. Бир ойдан буён фильмнинг мураккаб монтаж ҳамда графика ишлари билан бандмиз. Фильм премьераси куз ойларига мўлжалланган.Маҳмуд Эркабоев, «Қўқон шамоли» тарихий фильмининг продюсери
Маълумот учун, ушбу фильм Зебо Қобилованинг «Айбсиз айбдор» деб номланган сценарийси асосида тасвирга олинган. Фильм Қўқон хонлигининг XVIII аср охири — XIX аср бошларидаги ижтимоий-сиёсий ҳамда адабий муҳити, ўша давр чигалликлари ҳақида бўлиб, асосан, Қўқон хони Умархон ҳамда шоира Нодирабегим ҳаётидан ҳикоя қилади.
Изоҳ (0)