29 июль куни соат 8:00 ҳамда соат 15:00 да 2019—2020-ўқув йилги олий таълим муассасаларига кириш имтиҳонлари бошланади. Шу муносабат билан пойтахтнинг айрим кўчалар ёпилади, деб хабар берди Тошкент шаҳар ИИББ матбуот хизмати.
Маълум қилинишича, олий таълим муассасаларида кириш тест синовлари ўтказилиши муносабати билан 29 июлдан 10 август кунига қадар соат 05:00 дан соат 20:00 гача бўлган вақт оралиғида пойтахтнинг Юнусобод туманидаги Кўргазма, Корхожиота, Ифтихор ва Ниёзбек йўли кўчалари транспорт воситалари ҳаракати учун вақтинча беркитилади.
Тошкент шаҳар ички ишлар бошқармаси фуқаролардан вақтинчалик ноқулайликлар учун узр сўрайди.
Изоҳ (0)