«Барселона» раҳбарияти клуб етакчиси Лионель Мессига фаолияти якунига қадар мўлжалланган шартнома таклиф қилмоқчи, дея хабар беради Mundo Deportivo.
32 ёшли аргентиналикнинг Каталония клуби билан амалдаги шартномаси 2021 йилнинг ёзигача амал қилади. Шартномага кўра, томонлар келишувни яна бир йилга узайтириши мумкин, бироқ «кўк-анорранглилар» Месси футболчилик фаолиятини айнан «Барселона»да якунлашини хоҳламоқда.
Лео бир неча бор Каталония клубида ўйнашга тайёрлиги ҳамда футболчилик фаолиятини айнан «Барселона»да якунлашини таъкидлаб ўтганди.
Аввалроқ каталонияликлар Мессига 2023 йилгача бўлган шартнома таклиф қилиши ҳақида хабар берилганди.
Маълумот учун, Месси «Барселона» тарбияланувчиси ҳисобланади. У ортда қолган мавсум Испания миллий чемпионатида 34 та учрашувда майдонга тушиб, 36 та голга муаллифлик қилди ва 13 та голга ассистентлик қилди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)