Тошкент марказий ҳамда Тошкент жанубий темир йўл вокзаллари чиптахоналарига электрон навбат, мониторлар, электрон таблолар ўрнатилди. Бу ҳақда «Ўзтемирйўлйўловчи» матбуот хизмати хабар берди.
Эндиликда, ҳар иккала вокзалга келган йўловчи электрон навбат олади ҳамда ўриндиқларда ўтириб, залга ўрнатилган мониторларни кузатиб туради. Навбат ҳамда касса рақами мониторда кўриниши билан чипта харид қилиш учун ўша кассага бориб мурожаат қилиши мумкин.
Чиптахона залига ўрнатилган электрон таблодан эса йўловчилар «Ўзбекистон темир йўллари» сайтига кириб поездлар ҳаракат жадвали ва бошқа маълумотларни олиши мумкин.
Шунингдек, Тошкент марказий темирйўл вокзали чиптахона залида ўрнатилган катта экранда қайси поездга ва қайси вагонда чипта бор йўқлиги кўриниб туради.
Қайд этилишича, электрон ускуналар синов тариқасида ишлатилмоқда. Келажакда бундай қулайликлар республиканинг бошқа ҳудудларидаги темир йўл вокзалларида ҳам жорий қилиниши кўзда тутилган.
Бу кассалар олдида узундан узун навбатга туриш ва турли хил тушунмовчиликларнинг олдини олиш имконини беради.
Изоҳ (0)