23 июль куни Энергетика вазирлиги кадрлар тизимида қатор ўзгаришлар рўй берди. Бу ҳақда вазирлик матбуот хизмати маълум қилди.
«Ўзбекнефтгаз» АЖ бошқаруви раиси этиб ўз лавозимини сақлаб қолган ҳолда Баҳодир Сиддиқов тайинланди.
Ушбу жамият бошқаруви раисининг биринчи ўринбосари сифатида ишлаб келган Улуғбек Сайидов «Ўзтрансгаз» АЖ раҳбари бўлди.
Улуғбек Сайидов «Ўзтрансгаз»нинг сўнгги 2,5 йилдаги бешинчи раҳбарига айланди. 2016 йил декабрида компанияга бош вазир ўринбосари Эргаш Шоисматов (ҳозирда Ўзбекистоннинг Тожикистондаги элчиси) раҳбар этиб тайинланган. 2017 йил августида эса унинг ўрнида Алишер Мустафоев иш бошлаган.
2018 йил июнида Шарифжон Турсунов «Ўзтрансгаз» раҳбари этиб тайинланди, бироқ 5 ойлик фаолиятдан сўнг, 23 ноябрь куни у ҳам лавозимни тарк этиб, декабрь ойидан Баҳодир Эшмуратов «Ўзтрансгаз»га раҳбарлик қила бошлаганди.
Вазирлик матбуот хизматига кўра, Баҳодир Эшмуратов «Ҳудудгазтаминот» АЖ бошқаруви раиси лавозимини эгаллаган.
Изоҳ (0)