Давлат тест маркази томонидан «Абитуриент рухсатномаси» ва «Абитуриентларга эслатма»ни онлайн олиш имкониятини берувчи ruxsatnoma.dtm.uz сайти орқали ҳозирга келиб 240 000 дан ортиқ абитуриент мазкур рухсатномани онлайн юклаб олди, деб хабар беради ЎзА.
ruxsatnoma.dtm.uz веб-сайтидан рухсатнома чиқариб олиш имкониятига эга бўлмаган абитуриентлар кундузги таълим шакли учун 23—26 июль кунлари, сиртқи ва кечки таълим шакллари учун 27—29 июль кунлари Давлат хизматлари марказлари, Олий таълим муассасалари қабул комиссиялари ёки Бандликка кўмаклашиш марказларига мурожаат этган ҳолда рухсатномаларини олишлари мумкин.
Ушбу муассасалар ходимлари томонидан «Абитуриент рухсатномаси» абитуриентларга бепул чоп этиб берилади.
Изоҳ (0)