Афғонистондаги «Толибон» ҳаракати Ўзбекистонда ўтказиладиган афғонлараро учрашувга таклиф этилгани йўқ, лекин таклиф этилса, буни кўриб чиқишга тайёр. Бу ҳақида Қатардаги «Толибон» сиёсий офиси расмий вакили Сухель Шаминга таянган ҳолда «РИА Новости» хабар қилмоқда деб ёзади Sputnik.
Аввалроқ 1TV телеканали 7—8 июль кунлари Қатарда ўтказилган матбуот-анжуманига таяниб, афғонлараро учрашув уч ёки тўрт ҳафтадан сўнг Самарқандда ўтказилиши шунингдек, томонлар кейинги икки ҳафта давомида дастлабки тинчлик шартномасини имзолаши ҳақида ҳам маълум қилган.
«Ўзбекистонда ўтказиладиган учрашув санаси ҳали аниқлаштирилгани йўқ, лекин агар биз Ўзбекистондан таклиф олсак, уни кўриб чиқамиз», — деб айтган Шамин.
Дохадаги афғонлараро анжуман 7—8 июль кунлари бўлиб ўтди. Икки кунлик анжуманда 60дан зиёд афғонлар иштирок этишган, шу жумладан, «Толибон» радикал ҳаракати аъзолари ҳам. Узоқ давом этган тортишувлардан сўнг 9 июлга ўтар кечаси делегатлар якуний баённомани қабул қилишган. Унда Афғонистондаги оддий фуқаролар орасидаги йўқотишларни ноль даражага тушириш ва таълим ҳамда тиббиёт муассасалари ҳимоясини таъминлаш мажбуриятлари қайд этилган.
Изоҳ (0)