АҚШ Конгресси Вакиллар палатаси аъзолари Дональд Трампнинг Twitter’да конгрессчи-аёлларга қарши миллатчилик руҳида ёзилган изоҳларини қоралаган резолюцияни қўллаб-қувватлади, деб хабар бермоқда «Интерфакс».
Резолюция кўпчилик овозларига кўра қабул қилинган. Қонун чиқарувчиларнинг 240 нафари бу резолюцияни қўллаб-қувватлаган, 187 нафари эса бунга қарши чиққан. Қўллаб-қувватлаганларнинг аксарияти демократлардир.
Ушбу резолюциянинг қабул қилиниши расмий хусусиятга эга эмас ва президент учун ҳеч қандай юридик оқибатларга олиб келмайди.
Ҳужжатда айтилишича, «муҳожирлар ва уларнинг авлодлари Американинг кучли бўлишига ёрдам берган ва уларнинг фуқароликни қабул қилганлари бир неча авлоддан бери АҚШда яшаётган америкаликлар кабидир».
Эслатиб ўтамиз, Трамп АҚШнинг Демократлар партиясидан бўлган тўрт нафар аёлни кескин танқид қилган эди. У аёлларни ўз юртларига қайтиб, ўша ерда тартиб ўрнатишга чақирган. Бунда уларнинг фақат бири Сомалидан келган, холос. Қолганлари Америкада туғилган. Трамп, шунингдек, кимга АҚШ сиёсати ёқмаётган бўлса, мамлакатни тарк этишни маслаҳат берган.
Изоҳ (0)