Жиноят ишлари бўйича Зафаробод туман суди ижро варақасига асосан фуқаро Р.Н. дан ундирувчи Н.Қ. фойдасига 68 миллион 417 минг сўм зарар ундириш белгиланганди. Бу ҳақда «Дарё»га МИБ матбуот хизмати маълум қилди.
Аммо қарздор шахс етказилган зарарни тўлашни ортга суриб келди. Р.Н. фақат 7 миллион 571 минг сўм зарар пулларини тўлаган, холос.
Шундан сўнг Мажбурий ижро бюроси Фориш туман бўлими давлат ижрочиси томонидан мажбурий ижро ҳаракатлари олиб борилди. Қарздор фуқарога тегишли бўлган Фориш тумани, Хонбанди МФЙда жойлашган умумий овқатланиш шохобчаси биноси хатланди.
Ушбу бино, мутахассис хулосасига кўра, 447 миллион 543 минг сўмга баҳоланган ва белгиланган тартибда сотиш учун «E-IJRO АУКЦИОН» ягона электрон савдо майдончасига чиқарилиши таъминланган.
Эндиликда етказилган зарар пуллари хатланган мол-мулк сотувидан тушган маблағ ҳисобидан қопланади.
Изоҳ (0)