Англиялик замонавий дизайнер Алекс Чиннек ўзининг ҳайратомус архитектура намуналари билан машҳур. У бир нечта нуфузли дизайн академияларини ҳам битирган. Алекс асосан қайсидир жиҳати нотўғри қурилган ва шу жиҳати билан ажралиб турувчи уйларни яратади. Travel Ask ана шундай уйлардан бирини суратларини тўплаб тақдим этди.
Ушбу уй Лондоннинг Covent Garden штатида жойлашган бўлиб, Levitator номи билан танилган. Гап шундаки бу ерда ҳеч қандай иллюзия йўқ, бу бино чиндан ҳам ҳавода осилиб туради.
Арт-объект 12-метрли, ўрта қисми йўқ, икки қаватли бино бўлиб, устунлар билан безалган. Ушбу тешикдан орқада жойлашган бинолар, шунингдек, у ердан ўтаётган одамлар жуда яхши кўринади. Ҳар бир инсон бу ажойиб уйга яқинлашиши ва ҳатто деворларининг етишмаётган қисмларини кўриб чиқиши, қўлларини текказиши ва бинонинг ичида юриши мумкин. Уни кўрган инсон ҳақиқатан ҳам уйнинг ҳавода муаллақ туришига ишонч ҳосил қилади. Лекин қандай қилиб?
Бунинг сири оддий. Одамлар ҳавода муаллақ турган бинога яқинлашиб, ундаги яшил рангли киоскага эътибор беришмайди. Лекин бу ерда эса жумбоқнинг асосий калити ётади. Ҳақиқат шундаки, уйнинг деворлари енгил полистиролдан тайёрланган бўлиб, кейинчалик у оддийгина бўялган. Яшил киоск — бу бутун бинони ушлаб турувчи оғирлик бўлиб, бинони худди ҳавода муаллақ тургандек кўрсатиб, одамларда ажойиб таассурот қолдиради.
Изоҳ (0)