Angliyalik zamonaviy dizayner Aleks Chinnek o‘zining hayratomus arxitektura namunalari bilan mashhur. U bir nechta nufuzli dizayn akademiyalarini ham bitirgan. Aleks asosan qaysidir jihati noto‘g‘ri qurilgan va shu jihati bilan ajralib turuvchi uylarni yaratadi. Travel Ask ana shunday uylardan birini suratlarini to‘plab taqdim etdi.
Ushbu uy Londonning Covent Garden shtatida joylashgan bo‘lib, Levitator nomi bilan tanilgan. Gap shundaki bu yerda hech qanday illyuziya yo‘q, bu bino chindan ham havoda osilib turadi.
Art-obyekt 12-metrli, o‘rta qismi yo‘q, ikki qavatli bino bo‘lib, ustunlar bilan bezalgan. Ushbu teshikdan orqada joylashgan binolar, shuningdek, u yerdan o‘tayotgan odamlar juda yaxshi ko‘rinadi. Har bir inson bu ajoyib uyga yaqinlashishi va hatto devorlarining yetishmayotgan qismlarini ko‘rib chiqishi, qo‘llarini tekkazishi va binoning ichida yurishi mumkin. Uni ko‘rgan inson haqiqatan ham uyning havoda muallaq turishiga ishonch hosil qiladi. Lekin qanday qilib?
Buning siri oddiy. Odamlar havoda muallaq turgan binoga yaqinlashib, undagi yashil rangli kioskaga e’tibor berishmaydi. Lekin bu yerda esa jumboqning asosiy kaliti yotadi. Haqiqat shundaki, uyning devorlari yengil polistiroldan tayyorlangan bo‘lib, keyinchalik u oddiygina bo‘yalgan. Yashil kiosk — bu butun binoni ushlab turuvchi og‘irlik bo‘lib, binoni xuddi havoda muallaq turgandek ko‘rsatib, odamlarda ajoyib taassurot qoldiradi.
Izoh (0)