Июнь ойида Товар хом ашё биржасининг биржа савдолари орқали 77,8 миллион сўмлик 10,1 минг грамм қимматбаҳо металлар сотилди. Бу ҳақда биржа сайтида келтирилган маълумотларига таяниб Spot хабар берди. Тузилган битимларнинг ҳажми бўйича товарларнинг асосий қисмини кумуш эгаллаган.
Хусусан, биржа савдоларида 41,1 миллион сўмлик 10,0 минг грамм Аг-1 маркали кумуш қуймаси сотилди. Савдо натижаларида шаклланган биржа нархи 1 грамм кумуш учун 4 115,1 сўмни ташкил этган.
Шу билан бирга, 18 июнь куни биржада 36,6 миллион сўмлик Ау-1 маркали 100 грамм олтин сотилган. Биржа котировкаси 1 грамм олтин учун 365,9 минг сўмни ташкил қилган.
Биржа савдоларида сотувчи сифатида «Олмалиқ КМК» АЖ иштирок этган.
Ҳукуматнинг 1 мартдаги қарорига асосан, саноатда ишлатиладиган маҳсулотларни қайта ишлаш қувватига эга бўлган ишлаб чиқарувчилар, шунингдек, юридик шахслар ва якка тадбиркорлар қимматбаҳо металлардан заргарлик буюмлари ва бошқа буюмлар ишлаб чиқарувчилар биржа савдоларида қимматбаҳо металларнинг харидорлари ҳисобланади.
Изоҳ (0)