«Ўзбекнефтгаз» раҳбари Баҳодир Сидиқов Энергетика вазирлигида бўлиб ўтган брифингда компания нефть-газ соҳаси харидлар тизимида коррупцияга қарши қандай кураш олиб борилаётгани ҳақида сўзлади, деб хабар беради «Газета.uz».
Тан олиш керак, нефть-газ соҳасидаги харидлар тизимида жуда катта коррупция амалга оширилган. Бугун биз ишонч билан айтишимиз мумкинки, ‘Ўзбекнефтгаз’ харидлар тизими шаффоф. Биринчи навбатда, биз ўзимизнинг ‘Нефтьгазинвест’ корхонамиз орқали харидларни марказлаштириш йўли билан буни амалга оширдик.Баҳодир Сидиқов пора таклиф қилаётган корхона энг яхши таклифни билдирган бўлса ҳам танловдан четлаштирилаётгани, тендерлар эса бекор қилинаётганини таъкидлади.Бу ўтказилаётган барча танловлар, тендерларнинг сайтларда, ОАВда кенг ёритилишини таъминлади. 50 минг доллардан ортиқ бўлган барча харидлар менинг биринчи ўринбосарим томонидан амалга оширилади.
Энг катта муаммо шундаки, бизнинг менталитетимиз шундай шаклланганки, ҳар қандай танлов коррупция билан боғлиқ. Ҳатто биз ўтказган танловларда барча кўрсаткичлар бўйича ғолиб бўлган, аммо келиб пора таклиф қилган ҳолатлар учради. Булар, афсуски мавжуд бўлган ва биз бартараф этиш ёки тузатишимиз керак бўлган ҳолатлар.
Шундай ҳолатлар бўлмоқдаки, биз тендерни тўхтатмоқдамиз ва уни қайта эълон қилиб, коррупциянинг кичик кўриниши учраётган компанияларнинг ҳам уларда иштирок этишига йўл қўймаяпмиз.
Баҳодир Сидиқов, «Ўзбекнефтгаз» раҳбари
Ўзбекистон Президенти Шавкат Мирзиёев Сенатдаги нутқида нефть-газ соҳасидаги коррупция ҳақида шундай деган эди: «20 йил ичида нефть-газ соҳасидаги барча лойиҳаларнинг 50 фоизи пора билан бўлган эди. Сурғил нефть-газ лойиҳасида (Сурғил кони базасидаги Устюрт газ-кимё мажмуаси — таҳр.) бир амалдор 80 млн доллар олган! 80 млн! Халқ ҳақида ким ўйлайди?!»
Изоҳ (0)