Футбол бўйича Африка Миллатлар Кубогининг гуруҳларида 31 июнь, душанба куни 3-тур баҳслари доирасида 4 та учрашув бўлиб ўтди.
Куннинг дастлабки баҳсида «B» гуруҳида Сенегал терма жамоаси Кения термаси билан ўйнади.
Учрашув давомида Сенегал ярим ҳимоячиси Садио Мане дублга эришган бўлса (71, 78 — пенальти), Исмоил Сарр (63) ўз номига битта гол ёздириб қўйди (3:0).
Шу тариқа Сенегал мусобақанинг 3-турида Кения дарвозасига жавобсиз 3 та гол урди ва 3 очкога эга бўлди.
Мазкур ғалабадан сўнг Сенегал термаси очколари сонини 6 очкога етказиб олди ва гуруҳ баҳсларини 2-ўринда якунлади. Кения эса 3 очко билан 3-ўринни банд қилди.
Шу куни Жазоир терма жамоаси Танзания термасига қарши майдонга тушди.
Мазкур беллашувда жазоирлик ярим ҳимоячи Адам Унас (39, 45) рақиб дарвозасини 2 бор ишғол қилган бўлса, ҳужумчи Ислом Слимани ҳам битта голга муаллифлик қилди.
Натижада Жазоир Танзанияни 3:0 ҳисобида мағлубиятга учратди ва гуруҳда 9 очко жамғариб, плей-офф йўлланмасини биринчилардан бўлиб ҳал қилди. Сўнгги ўринни эгаллаган Танзания эса бирорта ҳам очко йиға олмади.
«D» гуруҳида Марокаш терма жамоаси ЖAР билан беллашди.
Учрашувдаги ягона гол 90-дақиқада урилди. Унга Марокаш ярим ҳимоячиси Муборак Буссуфа муаллифлик қилди ва Марокаш термаси ЖAРни кичик ҳисобда енгди (1:0).
Қайд этиш жоиз, Марокаш термаси гуруҳда 9 очко тўплаб, биринчи ўринни эгаллади. ЖAР эса 3 очко билан 3-поғонадан жой олди.
Куннинг охирги баҳсида Кот-д’Ивуар терма жамоаси Намибия термаси билан баҳсга киришди.
Ўйинда Кот-д’Ивуар термаси вакиллари Макс Градел (39), Сере Диэ (58), Уилфрид Заҳа (84), Максвелл Корне (89) биттадан гол урган бўлса, намибияликлардан ярим ҳимоячи Жозлин Каматука (71) рақиб дарвозасига тўп киритди.
Шу тариқа ивуарликлар сўнгги турда Намибия термасини 4:1 ҳисобида мағлуб этди ва муҳим 3 очкога эга бўлди.
Таъкидлаш жоиз, Кот-д’Ивуар 6 очко билан «D» гуруҳида 2-ўринни эгалалди ва мусобақанинг 1/8 финалига чиқди. Намибия эса очко тўплай олмади.
Африка Миллатлар Кубоги
3-тур баҳслари
1 июнь, душанба
«C» гуруҳи
Кения—Сенегал 0:3
Голлар: 0:1 — 63 Сарр, 0:2 — 71 Мане, 0:3 — 78, пенальти, МанеТанзания—Жазоир 0:3
Голлар: 0:1 — 34 Слимани, 0:2 — 39 Уна, 0:3 — 45 Уна«D» гуруҳи
ЖAР—Марокаш 0:1
Гол: 0:1 — 90 БуссуфаНамибия—Кот-д’Ивуар 1:4
Голлар: 0:1 — 39 Градел, 0:2 — 58 Диэ, 1:2 — 71 Каматука, 1:3 — 84 Заҳа, 1:4 — 89 КорнеЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)