Futbol bo‘yicha Afrika Millatlar Kubogining guruhlarida 31-iyun, dushanba kuni 3-tur bahslari doirasida 4 ta uchrashuv bo‘lib o‘tdi.
Kunning dastlabki bahsida “B” guruhida Senegal terma jamoasi Keniya termasi bilan o‘ynadi.
Uchrashuv davomida Senegal yarim himoyachisi Sadio Mane dublga erishgan bo‘lsa (71, 78 — penalti), Ismoil Sarr (63) o‘z nomiga bitta gol yozdirib qo‘ydi (3:0).
Shu tariqa Senegal musobaqaning 3-turida Keniya darvozasiga javobsiz 3 ta gol urdi va 3 ochkoga ega bo‘ldi.
Mazkur g‘alabadan so‘ng Senegal termasi ochkolari sonini 6 ochkoga yetkazib oldi va guruh bahslarini 2-o‘rinda yakunladi. Keniya esa 3 ochko bilan 3-o‘rinni band qildi.
Shu kuni Jazoir terma jamoasi Tanzaniya termasiga qarshi maydonga tushdi.
Mazkur bellashuvda jazoirlik yarim himoyachi Adam Unas (39, 45) raqib darvozasini 2 bor ishg‘ol qilgan bo‘lsa, hujumchi Islom Slimani ham bitta golga mualliflik qildi.
Natijada Jazoir Tanzaniyani 3:0 hisobida mag‘lubiyatga uchratdi va guruhda 9 ochko jamg‘arib, pley-off yo‘llanmasini birinchilardan bo‘lib hal qildi. So‘nggi o‘rinni egallagan Tanzaniya esa birorta ham ochko yig‘a olmadi.
“D” guruhida Marokash terma jamoasi JAR bilan bellashdi.
Uchrashuvdagi yagona gol 90-daqiqada urildi. Unga Marokash yarim himoyachisi Muborak Bussufa mualliflik qildi va Marokash termasi JARni kichik hisobda yengdi (1:0).
Qayd etish joiz, Marokash termasi guruhda 9 ochko to‘plab, birinchi o‘rinni egalladi. JAR esa 3 ochko bilan 3-pog‘onadan joy oldi.
Kunning oxirgi bahsida Kot-d’Ivuar terma jamoasi Namibiya termasi bilan bahsga kirishdi.
O‘yinda Kot-d’Ivuar termasi vakillari Maks Gradel (39), Sere Die (58), Uilfrid Zaha (84), Maksvell Korne (89) bittadan gol urgan bo‘lsa, namibiyaliklardan yarim himoyachi Jozlin Kamatuka (71) raqib darvozasiga to‘p kiritdi.
Shu tariqa ivuarliklar so‘nggi turda Namibiya termasini 4:1 hisobida mag‘lub etdi va muhim 3 ochkoga ega bo‘ldi.
Ta’kidlash joiz, Kot-d’Ivuar 6 ochko bilan “D” guruhida 2-o‘rinni egalaldi va musobaqaning 1/8 finaliga chiqdi. Namibiya esa ochko to‘play olmadi.
Afrika Millatlar Kubogi
3-tur bahslari
1-iyun, dushanba
“C” guruhi
Keniya—Senegal 0:3
Gollar: 0:1 — 63 Sarr, 0:2 — 71 Mane, 0:3 — 78, penalti, ManeTanzaniya—Jazoir 0:3
Gollar: 0:1 — 34 Slimani, 0:2 — 39 Una, 0:3 — 45 Una“D” guruhi
JAR—Marokash 0:1
Gol: 0:1 — 90 BussufaNamibiya—Kot-d’Ivuar 1:4
Gollar: 0:1 — 39 Gradel, 0:2 — 58 Die, 1:2 — 71 Kamatuka, 1:3 — 84 Zaha, 1:4 — 89 KorneYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)