Черногориянинг 1990—1998 йиллардаги президенти ва Югославия иттифоқдош республикасининг 1998—2000 йиллардаги бош вазири Момир Булатович 62 ёшида вафот этди. Бу ҳақда «РИА Новости» хабар бермоқда.
Булатович 1956 йилда Белградда туғилган, талабалик йилларидан сиёсат билан шуғулланишни бошлаганди.
У Черногориядаги президентлик сайловида мағлубиятга учрагач, Югославия иттифоқдош республикаси президенти Слабодан Милошевич таклифига биноан мамлакат ҳукуматини бошқарган ва шу лавозимда НАТО бомбардимонлари олдидан ҳарбий ҳолат жорий этилгани ҳақида фуқароларга маълум қилганди.
Булатович давлат лавозимларидан кетганидан сўнг илмий фаолият билан шуғулланган ва бир неча китоблар эълон қилган. Улардан энг машҳури Черногория мафияси ва коррупция ҳақида ҳикоя қилувчи «Сукут қоидалари» китоби эди.
Изоҳ (0)