2019 йил 27 июнда Олий Мажлис Сенат кенгашининг жорий йил май ойида ўтказилган фуқаролар йиғинлари раислари (оқсоқоллари) сайлови якунларига бағишланган мажлиси видеоселектор шаклида бўлиб ўтди, дея хабар берди Сенат матбуот хизмати.
Уни Ўзбекистон Республикаси Олий Мажлиси Сенати Раиси Танзила Норбоева олиб борди.
Сайлов юқори савияда ўтиши учун барча зарур шароитлар билан таъминлангани ҳақида ҳисобот тингланди.
Мажлис иштирокчилари томонидан унда 9093 та фуқаролар йиғинида мамлакатдаги овоз бериш ҳуқуқига эга фуқароларнинг вакили сифатида 2 миллион 58 мингдан ортиқ кишива 22264 нафар тавсия этилган номзод бевосита қатнашганлиги қайд этилди.
Шунда бир маҳалла раислигига ўртача 2,4 нафардан номзод тўғри келганлиги сайловнинг муқобил асосда ўтказилганлигидан далолат беради.
«Аҳоли маҳаллага бош бўлишдек масъулиятли ишни кимга ишониб топшириш масаласига бу галги сайловларда ҳар қачонгидан ҳам жиддийроқ ёндашди. Бу эса сайланган раисларнинг сифат таркиби ҳам юксалди, деган сўздир.
Натижада 9093 нафар оқсоқол сайланиб, уларнинг 6208 нафари ушбу лавозимларга биринчи марта сайланган, 57,6 фоизи олий маълумотга эга. Сайланган раисларнинг 11,2 фоизи хотин-қизлар, 164 нафари маҳаллий кенгашлар депутатларидир.
Бўлиб ўтган сайловнинг яна бир аҳамиятли жиҳати шундаки, маҳалла оқсоқоллигига бу гал кўпроқ касби бўйича ўқитувчи бўлган инсонлар сайланди», — дейилади ҳисоботда.
Шу куннинг ўзида мазкур масалага доир брифинг видеоконференсалоқа тарзида ўтказилди.
Изоҳ (0)