Ўзбекистон Республикаси Адлия вазирлиги томонидан 2019 йил 17 майда 2282-6-сон билан рўйхатга олинган «Пенсия ишларини расмийлаштириш ва юритиш тартиби ҳамда пенсия ҳужжатларининг шакллари ва уларни тўлдириш қоидалари» тўғрисидаги йўриқномага ўзгартириш ва қўшимчалар киритилди. Бу ҳақда Ўзбекистон Молия вазирлиги ҳузуридаги Бюджетдан ташқари Пенсия жамғармаси хабар бермоқда.
Ушбу ўзгартириш ва қўшимчалар билан жойларда фуқароларга давлат хизматлари кўрсатилишида сансалорлик ва бошқа маъмурий тўсиқларни бартараф этиш ҳамда уларга қулайликлар яратишни кучайтириш мақсадида пенсия ва нафақалар тайинлашда тасдиқловчи ҳужжатларни тақдим қилиш бўйича қуйидаги тартиблар бекор қилинди:
- Фуқаронинг жамғариб бориладиган пенсия китобчаси нусхаси тақдим қилиниши;
- Фуқаронинг меҳнат дафтарчаси нусхаси тақдим қилиниши;
- Фуқаронинг яшаш жойи бўйича ҚФЙ, МФЙ, ОФЙлардан маълумотнома тақдим қилиниши;
- Вафот этган фуқаронинг ўлим тўғрисидаги гувоҳноманинг асли.
Изоҳ (0)