O‘zbekiston Respublikasi Adliya vazirligi tomonidan 2019-yil 17-mayda 2282-6-son bilan ro‘yxatga olingan “Pensiya ishlarini rasmiylashtirish va yuritish tartibi hamda pensiya hujjatlarining shakllari va ularni to‘ldirish qoidalari” to‘g‘risidagi yo‘riqnomaga o‘zgartirish va qo‘shimchalar kiritildi. Bu haqda O‘zbekiston Moliya vazirligi huzuridagi Budjetdan tashqari Pensiya jamg‘armasi xabar bermoqda.
Ushbu o‘zgartirish va qo‘shimchalar bilan joylarda fuqarolarga davlat xizmatlari ko‘rsatilishida sansalorlik va boshqa ma’muriy to‘siqlarni bartaraf etish hamda ularga qulayliklar yaratishni kuchaytirish maqsadida pensiya va nafaqalar tayinlashda tasdiqlovchi hujjatlarni taqdim qilish bo‘yicha quyidagi tartiblar bekor qilindi:
- Fuqaroning jamg‘arib boriladigan pensiya kitobchasi nusxasi taqdim qilinishi;
- Fuqaroning mehnat daftarchasi nusxasi taqdim qilinishi;
- Fuqaroning yashash joyi bo‘yicha QFY, MFY, OFYlardan ma’lumotnoma taqdim qilinishi;
- Vafot etgan fuqaroning o‘lim to‘g‘risidagi guvohnomaning asli.
Izoh (0)