Франциянинг Монжерон шаҳрида бўлиб ўтган енгил атлетиканинг баландликка сакраш йўналиши бўйича халқаро мусобақада Ўзбекистон терма жамоаси аъзоси Светлана Радзивил олтин медални қўлга киритган бўлса, Надия Дусанова бронза медалига эга чиқди. Бу ҳақда МОҚ матбуот хизмати хабар берди.
Мазкур мусобақада Светлананинг натижаси 1,91 метрни ташкил этди ҳамда у шоҳсупанинг энг юқори ўрнидан жой олди. Дусанова эса 1,89 метр натижа қайд этди ва бронза медали билан тақдирланди.
Кумуш медали эстониялик Грете Удрасга насиб этди. Удрас ҳам 1,89 метр кўрсаткич қайд этган. Бироқ бу баландлик учун Дусановадан камроқ уриниш сарфлагани учун иккинчи поғонага кўтарилди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)