Fransiyaning Monjeron shahrida bo‘lib o‘tgan yengil atletikaning balandlikka sakrash yo‘nalishi bo‘yicha xalqaro musobaqada O‘zbekiston terma jamoasi a’zosi Svetlana Radzivil oltin medalni qo‘lga kiritgan bo‘lsa, Nadiya Dusanova bronza medaliga ega chiqdi. Bu haqda MOQ matbuot xizmati xabar berdi.
Mazkur musobaqada Svetlananing natijasi 1,91 metrni tashkil etdi hamda u shohsupaning eng yuqori o‘rnidan joy oldi. Dusanova esa 1,89 metr natija qayd etdi va bronza medali bilan taqdirlandi.
Kumush medali estoniyalik Grete Udrasga nasib etdi. Udras ham 1,89 metr ko‘rsatkich qayd etgan. Biroq bu balandlik uchun Dusanovadan kamroq urinish sarflagani uchun ikkinchi pog‘onaga ko‘tarildi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)