«Дарё» мухбири Отабек Қўлдошев Сурхондарё вилоятининг Сариосиё туманида жойлашган Сангардак шаршарасида бўлиб, нафақат ўзбекистонликларни, хорижликларни ҳам ҳайратга солаётган табиат мўъжизасини суратга олди.
Сангардак шаршараси аслида дам олиш маскани бўлиб, шаршара ёнида зиёратгоҳ ҳам жойлашган. Зиёратгоҳ имом хатиби Фахрулла Ҳабибовнинг ривоятларга таяниб маълум қилишича, шаршара XVI–ХVII асрларда пайдо бўлган. Сангардак шаршараси донғи 1991 йилдан кейин республика аҳолисига маълум бўлиб, ҳудудлардан ташриф буюрувчилар сони кўпайган.
Сангардак аслида қишлоқ номи бўлиб, санг-тош сўзидан олинган бўлиб тош ўртасидаги қишлоқ деган маънони беради.
Фахрулла Ҳабибовнинг айтишича, шаршара ёнида жойлашган зиёратгоҳда аёл авлиё яшаб ўтган.
2017–2018 йилларда Проф-Group МЧЖ қурилиш ташкилоти қурувчилари кучи билан шаршарада қурилиш ишлари олиб борилиб, шаршарага чиқувчи кўприклар қурилган. Зиёратгоҳ таъмирланган. Меҳмонлар учун қулай ва шинам жойлар барпо этилган.
Айни кунда шаршарага кунига 700–800 нафар меҳмон ташриф буюрмоқда. Маҳаллий аҳоли вакиллари билан бир қаторда Туркия, Япония, АҚШ, Афғонистон, Тожикистондан каби давлатлардан меҳмонлар келиб, ҳордиқ чиқариб қайтмоқда.
Изоҳ (0)