Июннинг бошида Telegram асосчиси Павел Дуров бутунлай овқат емай қўйгани маълум бўлди. Бунгача эса тадбиркор фақат балиқ билан озиқланаётган эди. Қуйида эса дунёнинг энг бой одамлари нима билан озиқланиши ҳақида маълумот берилган, дея ёзади Spot.
Ричард Бренсон (4,1 миллиард доллар)
Virgin Group асосчиси кунига 20 чашка чой ичади. Тадбиркор ўз ҳаётини инглизча нонуштасиз тасаввур қилолмайди.
Бренсон ўзининг шахсий оролида яшайди. Миллиардер кунини жисмоний машқлар билан, оиласи билан ва иш учрашувлари билан ўтказади, Учрашувларни эса кайфиятни кўтариш учун тушлик вақтига мўлжаллайди. Кечки овқатни эса одамлар даврасида қилишни ёқтиради, чунки бу унга янги ғоялар бахш этади.
Жефф Безос (131 миллиард доллар)
Amazon асосчиси ўз кунини соат 10 дан эрта бошламайди. Нонуштага ёғли яримтайёр маҳсулотлардан ҳоли меҳр билан пиширилган егуликларни хоҳлайди. Умуман олганда, Безос ўзини соғлом овқатланиш тарафдори ҳисоблайди.
Билл Гейтс (96,5 миллиард доллар)
Microsoft асосчиси эса соғлом овқатлар мухлиси эмас. У 3—4 банка диетик Cола ичади. Шунингдек, Гейтс чизбургерни севиши ҳеч кимга сир эмас. Шу даражада яхши кўрадики, у иш юзасидан учрашувларни баъзиларини фаст-фуд билан ўтказади.
Стив Жобс
Apple асосчиси ҳафталаб фақат сабзи ва олма еб яшаши мумкин, баъзан эса фақат мева, сабзавот, ёнғоқ, седана қўшилган овқат еган. Жобс кўп ҳолатларда эйфория ва экстаза ҳиссини туйиш учун бутун кун бўйи овқатланмай ҳам юрган.
Илон Маск (22,3 миллиард доллар)
Tesla ва SpaceX бош директори нонушта қилишни ёқтирмайди, лекин эрталабдан Mars батончигини ейиши мумкин. Тушликка ҳам у даражада катта эътибор бермайди ва унга нима келитришса ҳам 5 дақиқада еб олади. Маскни фақатгина кечки овқат қизиқтириши мумкин, чунки у бу пайт иш бўйича музокаралар ўтказади. Француз таомларини хуш кўради.
Марк Цукерберг (62,3 миллиард доллар)
Facebook асосчиларидан бири овқатга худди кийим-кечакларга бўлгани каби бефарқ. Цукерберг қўлига нима тушса шу билан нонушта қилади. «Майда қарорлар учун вақт кетказишни хоҳламайман», — дейди у овқат танлашга келганда.
Лекин бу Цукерберг ёввойи диеталарни экспериэмент қилганини яшира олмайди. 2011 йил Facebook бош директори ўз устида эксперимент ўтказган — у фақат ўзи ўлдирган ҳайвонларнинг гўштини еган.
Жек Дорси (5,1 миллиард)
Twitter асосчиси душанбадан пайшанбагача кунига бир маҳал овқатланади (кечалари), дам олиш кунлари эса умуман овқатланмайди. Дорсининг сўзларига кўра, бундай диетанинг дастлабки кунлари у галлюцинацияни бошдан кечирган, кейин эса бунга кўниккан ва худди вақт секинлашгандек ҳис қила бошлаган.
Изоҳ (0)