Тошкент шаҳар ҳокимлиги ҳузуридаги жамоатчилик кенгаши томонидан «Тошкент-2025: Трансформация» концепцияси тақдим этилди.
«Жорий йилнинг май ойида лойиҳа гуруҳимиз ‘Тошкент- 2025: Трансформация’ концепциясини Ўзбекистон Республикаси Бош вазири ва Тошкент шаҳар ҳокимига тақдим этганлиги хусусида ёзган эдик ҳамда унда экспертларимизнинг кўпгина таклифлари қўллаб-қувватланди.
Ваъда қилинганидек, концепциянинг асосий тезисларини нашр этдик. Эслатиб ўтамизки, тақдим этилган вариант тайёр стратегия эмас, балки келажакдаги иш йўналишини муҳокама қилиш ва белгилаб олиш учун дастлабки концепциядир. Тадбирлар дастурлари, йўл хариталари ва НLA лойиҳалари билан батафсил стратегияни тайёрлаш – буларнинг барчаси ишимизнинг навбатдаги амалга ошириш босқичи ҳисобланади.
‘Урбанистика маркази’ ННТнинг базасида амалга оширилаётган ‘Тошкент 2025: Трансформация’ лойиҳасининг асосий қийматини ‘Шаҳар халқ учун’ постулати белгилайди - унда фуқароларнинг манфаатлари барча ташаббуслар марказида жойлашганлиги акс этган.Биз жамоатчилик томонидан билдирилган конструктив мулоҳазалар ва таклифлар учун ўз миннатдорчилигимизни билдирамиз. Билдирилган таклифлар таҳлил қилиниб, шаҳар ҳокимияти маъмуриятига топширилади», — дейилади хабарда.
Ҳужжатни ушбу ҳавола орқали юклаб олиш мумкин.
Концепция Тошкент шаҳар ҳокимияти қошидаги Жамоатчилик кенгаши кўмагида «Урбанистика маркази» ННТ томонидан тайёрланди.
Изоҳ (0)