Бутун МДҲ давлатлари бўйлаб энг кам ойлик иш ҳақини Тожикистон фуқаролари олиши маълум бўлди. Мутахассислар ўтказган тадқиқот натижалари бундан дарак бермоқда, деб ёзади «СNG.фм».
2019 йилнинг июнь ойида чоп этилган маълумотлар йилнинг икки чораги якунларига асосланган.
Апрель ойида Тожикистон фуқароси ўрта ҳисобда 145 доллар ишлаб топган, бу эса 1364 сомони дегани. Бу ҳақда МДҲ давлатлараро статикстика қўмитаси хабар берган.
Тожикисто президенти Эмомали Раҳмон 2018 йилда ойликларни оширишга ваъда берганди. Унинг сўзларига кўра, бюджет ташкилотларининг ойликлари 10—15 фоизга ошиши керак эди.
2019 йилда бюджет ташкилотлари ходимларининг ойлиги 2018 йил билан солиштирилганида 11,1 фоизга ошди.
2018 йилда эса ойликлар миқдорининг ошиши 7,5 фоизни ташкил этган эди.
Тожикистонда энг юқори маошни банк соҳаси ходимлари олади. Уларнинг ойлиги ўртача 307 долларни ташкил этади.
Тожикистонда фермер ёки балиқчилик унчалик ҳам даромадли соҳа ҳисобланмайди. Ушбу соҳа вакиллари бир ойда 59 доллар ишлаб топади.
Изоҳ (0)