12 июнь куни Кипр полицияси оролдаги биринчи ашаддий қотилга тегишли дея тахмин қилинаётган еттинчи қурбоннинг қолдиқларини топишга муваффақ бўлди, деб хабар беради «Вести.ru».
Гап онаси ҳам ушбу ашаддий қотил томонида ўлдирилган олти ёшли қизалоқ ҳақида кетмоқда. Унинг қолдирлари мамлакат пойтахти Никосия жануби-ғарбидаги Меми кўлидан топилган.
Барчаси апрель ойининг ўрталарида, туристлар томонидан Никосиядан 28 километр нарида жойлашган Митсеро қишлоғидаги шахтадан аёл кишининг жасади топилганидан сўнг бошланган эди. Тергов ҳаракатлари давомида ҳалок бўлган аёл 2018 йилда бедарак йўқолган Филиппин фуқароси эканлиги маълум бўлган.
Кипр полицияси бир нечта гумонланувчини қўлга олган бўлиб, улар орасида 35 ёшли ҳарбий хизматчи ўз айбига иқрор бўлган. Ташландиқ шахта ва унинг яқинида жойлашган кўлдан яна бир нечта қурбонларнинг жасади топилган. Маълум бўлишича, уларнинг барчаси хориж фуқаролари, икки нафари — филиппинлик.
Полиция ҳалок бўлганларнинг қариндошлари ва яқинлари томонидан уларнинг бедарак йўқолгани тўғрисидаги аризалари қабул қилишдан бош тортган. Шунингдек, ўқитувчиларнинг айтиши бўйича, ўқувчилар мактабга қатнамай қўйгани ва йўқолиб қолгани борасидаги мурожаатга қарамай полиция тергов бошламаган.
Мазкур можаро оқибатида Кипр президенти Никос Анастасиадис мамлакат полиция раҳбарини ишдан бўшатган, адлия вазири эса истеъфога чиққан.
Изоҳ (0)