Россиялик жангчи Ҳабиб Нурмагомедов Дастин Порье билан кечадиган жанг олдидан бўлиб ўтган матбуот анжуманида келажакда Тони Фергюсон билан жанг қилишни хоҳлаётганини маълум қилди.
«Жангдан сўнг менда дам олиш учун 1 ой вақт бор. Октябрда эса машғулотларга қайтаман. Тони Фергюсон чемпионлик камари учун жангга лойиқ, бу борада гап-сўз бўлиши мумкин эмас. Бунга қадар Дастин билан жанг қилишим лозим. Мазкур жанг мен учун осон кечмайди, уни ҳурмат қиламан. Жангни Россияда ўтказишми? Албатта, мен Россияда жанг қилишни хоҳлайман. Лекин Россияда pay-per-view[ (томоша учун тўлов) мусобақалари ўтказилмайди, мен эса чемпионман. Ҳозирда шунга ўхшаш мусобақаларда иштирок этяпман. Ушбу мусобақаларни Россияда ўтказишни UFC раҳбариятидан сўраш керак. Ким билади, Россия балки кейинги мусобақаларга мезбонлик қилиши мумкин», — деди Ҳабиб.Эслатиб ўтамиз, Нурмагомедов ва Порье ўртасидаги жанг 7 сентябрь куни Абу-Даби шаҳрида бўлиб ўтади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)