Самарқандда «Титаник» деб номланадиган кўп қаватли уйдаги ёнғин оқибатида қурбонлар ва жароҳатланганлар бўлмади

9 июнь куни Самарқанд шаҳридаги Сартепа маскани, 12-уй, 92 хонадонда яшовчи, 1990 йилда туғилган Ш.Қ яшаш уйининг 15 квадрат метр майдонида хонанинг шифт қисми ва уй жиҳозлари қисман ёнган. Бу ҳақда вилоят ёнғин хавфсизлиги бошқармаси маълум қилди.

Ёнғиндан 40 квадрат метр майдони сақлаб қолинган. Ёнғин содир бўлган масканга соат 01.00 да етиб борилиб, соат 01.10 да ёнғин тўлиқ бартараф этилди.

Тахминга кўра, ёнғин газ ҳисоблагичидан олдин диаметри 15 миллиметрли темир қувур орқали ноқонуний ўтказилган газ нуқтадан табиий газ сизиб чиқиб, хонада тўплангани оқибатида ҳамда хонадаги музлаткичдан ўт чақнаши содир бўлган.

Воқеа жойига Самарқанд вилоят фавқулотда вазиятлар бошқармаси, ёнғин хавфсизлиги бошқармаси мутасаддилари, ходимлари гуруҳи, қутқарув отряди, 2 та ёнғин ўчириш экипажи жалб қилинган.

Ёнғин оқибатида ўлим ёки тан жароҳати олиш билан боғлиқ ҳолатлар юз бермаган. Кўрилган моддий зарар аниқланмоқда.