10 июннинг эътиборга молик янгиликлари — «Дарё» дайжестида.
Фарғонада эркаклар вояга етмаган болаларни уруштириб, тасвирга олди.
Роликдан кўриш мумкинки жанжал ёши катта эркаклар томонидан атайлаб ташкил этилган — улар жараёнга аралашиб, ора-сира болаларни ажратиб турибди.
***
Дастлабки маълумотларга кўра, қозоғистонликларнинг 70 фоизи Қосим-Жўмарт Тўқаевга ўз овозини берди.
Шавкат Мирзиёев 10 июнь куни Қозоғистон президенти Қосим-Жўмарт Тўқаев билан телефон орқали мулоқот қилди. Давлат раҳбари Қосим-Жўмарт Тўқаевни кеча бўлиб ўтган Қозоғистон президенти сайловида ишончли ғалабага эришгани билан самимий табриклади.
***
ИИББ: Тошкент халқаро аэропортини ишғол қилган 50 нафар лицензиясиз таксичига чора кўрилди.
Уларнинг 24 нафари Маъмурий жавобгарлик тўғрисидаги кодекснинг 194-моддаси асосида жавобгарликка тортилди. Қолган 26 нафар таксичи ўртасида тушунтириш ишлари олиб борилди. 42 та автоулов жарима майдонига жойлаштирилди.
***
Дубай амирининг учта ўғли бир вақтда уйланди. Ўзбекистон Президентининг ўғли ва куёвлари мазкур тўйда иштирок этди.
Аввалроқ, тўй маросимида иштирок этиш учун Ўзбекистон Президентининг ўғли Миралишер ва куёвлари Ойбек Турсунов, Отабек Умаров ҳамда невараси Миромон Дубайга ташриф буюриб, шайх Муҳаммад бин Рошид Ал Мактумни табриклашганни ҳақида хабар берилган эди.
***
Теҳронда ислом қоидаларига амал қилинмаган 547 та ресторан ёпилди.
Эрон полицияси ноқонуний мусиқа қўйилганидан тортиб муштлашувгача бўлган ҳолатлар қайд этилган ресторан ва кафеларни ёпди.
Изоҳ (0)