Профессионал бокснинг супер ярим ўрта (-69,85 кг) вазн тоифасида рингга чиқаётган Исроил Мадримов (2 та ғалаба, 2 та нокаут) 9 июнь тонгида ўзининг учинчи жангини ўтказади.
Мазкур жангда Мадримовга мексикалик Норберто Гонсалес (23 та ғалаба, 13 та нокаут, 12 та мағлубият) рақиблик қилади.
Тўқнашув Нью-Йоркдаги машҳур Мадисон Square Гарден аренасида бўлиб ўтади. Улар иштирокидаги жанг оқшоми тонгги соат 05:30 да бошланади. Жанг Sport-TV орқали жонли эфирда намойиш этилади.
Боксчилар жангдан олдин вазн ўлчаш маросимида иштирок этди.
Маълумот учун, 37 ёшли Норберто Гонсалес шу пайтгача ўтказган 35 та жангининг 4 тасида турли минтақавий йўналишлар чемпионлик камари учун рингга кўтарилган, бироқ уларда имкониятни бой бериб қўйган.
Эслатиб ўтамиз, Исроил Мадримов профессионал боксда сўнгги марта 9 март куни венесуэлалик Франк Рохасга қарши рингга чиқиб, рақибини нокаутга учратганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)