Франция терма жамоаси ярим ҳимоячиси Нголо Канте Евро—2020 мусобақаси саралашидан ўрин олган Туркия ҳамда Андоррага қарши баҳсни ўтказиб юборади. Бу ҳақда терма жамоанинг расмий сайтида хабар берилди.
Беллашувлар 8 ҳамда 11 июнь кунлари бўлиб ўтади. «Челси» аъзоси эса ўнг тиззасидаги жароҳат сабаб мазкур ўйинларда иштирок этмайди.
Канте Европа Лигаси финалидан олдин жароҳатланганди. Бироқ футболчи жароҳатга қарамай «Арсенал»га қарши баҳсда тўлиқ ўйнади.
Франциянинг Беларусь термасига қарши ўртоқлик ўйинида эса Канте захирада қолдирилганди. Унинг қачон сафга қайтиши ҳақида маълумот берилмаган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)