«Чернобиль» мини-сериали тарихдаги энг машҳур сериалга айланди. IMDb веб-сайтида чоп этилган «Энг кўп томошабинга эга 250 та телешоу» рейтингида сериал биринчи ўринни эгаллади ва «Тахтлар ўйини»ни анча поғона пастда қолдирди. Бу ҳақда Forum Daily хабар берди.
1986 йилги Чернобиль АЭСининг портлаши ҳақида ҳикоя қилувчи картина 10 баллдан 9,6 олди. Сериалдаги бош ролларни Эмили Уотсон, Стеллан Скарсгард ва Жаред Харрис ўйнаган.
7 май куни HBO каналида сериалнинг премьераси бўлиб ўтди. Ҳозирда бешта эпизоддан тўрттаси намойиш этилди.
Рейтингдаги TOP-5’га қуйидаги фильмлар кирди:
- «Ер сайёраси 2» (9,5),
- «Қуролли дўстлар» (9,4),
- «Ер сайёраси» (9,4),
- «Ҳаммаси оғир» (9,4).
Internet Movie Database (IMDb) — кинематография соҳасига бағишланган энг йирик интернет порталлардан бири. Рейтинг тузиш учун фойдаланувчилар камида бешта эпизоддан иборат бўлган сериалларни баҳолаган.
Изоҳ (0)