Бош прокуратура ҳузуридаги Департаментнинг Поп тумани бўлими томонидан ДХХ ва туман ИИБ ходимлари билан ҳамкорликда тезкор тадбир ўтказилди.
Тадбир давомида «Наманган—Шеробод» ЙПХ назорат масканида фуқаро А.И.нинг бошқарувида бўлган Cobalt русумли автомашина тўхтатилди. Унинг юкхонасида фуқаро А.С.га тегишли 1200 кассетада 300 миллиграммлик, умумий қиймати 237,8 миллион сўмлик қалбаки Regapen номли дори воситалари борлиги аниқланиб, ашёвий далил сифатида олинган.
Мазкур ҳолат юзасидан А.И., А.С. ва бошқаларга нисбатан Жиноят кодексининг тегишли моддаси билан жиноят иши қўзғатилиб, тергов ҳаракатлари ўтказилмоқда.
Изоҳ (0)