31 майнинг эътиборга молик янгиликлари — «Дарё» дайжестида.
Ўзбекистонликлар июнь ойида неча кун дам олишини ҳуқуқшунос Хушнудбек Худайбердиев ҳисоблаб чиқди ва ўзининг Telegram’даги канали орқали эълон қилди.
Унга кўра, 5 кунлик иш ҳафтаси учун: иш — 19 кун, дам олиш — 11 кун; 6 кунлик иш ҳафтаси учун: иш — 24 кун, дам олиш — 6 кун.
***
Хонанда Жаҳонгир Отажоновга қилган «ножоиз муносабати» туфайли Абдулла Қурбоновнинг лицензияси тугатилди.
Яқинда ижтимоий тармоқларда хонанда Жаҳонгир Отажоновнинг чиқарган видеосига ҳақоратомуз тарзда ўз муносабатини йўллаган хонанда Абдулла Қурбонов томонидан санъаткор одобига тўғри келмайдиган ноўрин сўзлар орқали муборак Рўзаи Рамазон ойида кенг омманинг ғашига тегиш ҳоллари кузатилди.
***
Қирғизистон чегарачилари Ўзбекистон фуқаросини яралади.
Чегара наряди чегара яқинида Ўзбекистоннинг иккита автомашинасини аниқлаган. Улар чегарачиларнинг тўхташ ҳақидаги талабини эътиборсиз қолдиришган. Чегара наряди ҳавога қарата огоҳлантириш ўқи узган. Бироқ, машиналар тўхтамасдан ҳаракатда давом этган ва Қирғизистон наряди қурол қўллашга мажбур бўлган.
***
Рамазон ҳайити намози ўқиладиган вақт маълум қилинди.
Унга кўра, 5 июнь кунги Рамазон ҳайити намози Тошкент вақти билан соат 05:10 да, бошқа жойларда намоз вақтидаги тафовутлар инобатга олиб ўқилади.
***
КХДРнинг юқори мартабали амалдорлари АҚШ билан ўтказилган саммит муваффақиятсиз якунлангани сабаб қатл этилди.
КХДР раҳбари Ким Чен Ин АҚШ президенти Дональд Трамп билан март ойида ўтказилган саммит муваффақиятсиз якунланганидан сўнг, бир нечта юқори мартабали амалдорларни, жумладан, Ким Хек Чхолни ҳам қатл этишга қарор қилган.
Изоҳ (0)