Италияда ўз хўжайинининг Панца шаҳридаги қабри олдида уни 10 йилдан ортиқ кутган Николетта лақабли кучук вафот этди, деб хабар беради «ТАСС».
Кучукнинг эгаси Альфред исмли шахс бўлиб, Искья оролига узоқ йиллар олдин кўчиб ўтган. У 2009 йилнинг январида оламдан ўтган. Шундан сўнг Никотелла уйдан чиқиб кетиб, хўжайинининг қабрига келиб олган.
Сўнгги ҳафталарда кучукнинг аҳволи оғирлашган: Николеттада пайдо бўлган ўсимта унинг ҳаракатланишига халақит қилган. Қабристон яқинидаги меҳмонхонанинг эгаси Энрико Маттера кучукни ветеринарга олиб борган ва у ерда Никотелла «абадий уйқу»га жўнатилган. Шифокорнинг сўзларига қараганда, кучук 14 ёшда бўлган.
Шаҳар аҳолиси қабристонга Николетта шарафига пештахта ёки бирор ёдгорлик ўрнатишни таклиф қилмоқда.
Изоҳ (0)