27 майнинг эътиборга молик янгиликлари — «Дарё» дайжестида.
Чустдаги артезиан қудуқ сувининг бир литри 1000 сўмдан пулланмоқда.
Чуст тумани Қодиробод ҳудудида чиққан «шифобахш сув» ҳақидаги овоза болалаяпти. Ундан наф кўришни истаганлар жуда кўп. Йўл ёқасидаги уддабуронлар эса ҳар литрини минг сўмдан пуллашмоқда.
***
Жириновский яқин ўн йил ичида бутун дунё бўйлаб содир бўладиган ҳодисаларни «башорат» қилди.
73 ёшли сиёсатчи Хитой иқтисодиётининг инқирозини, Эронга ракета зарбалари амалга оширилишини, Украинанинг тарқаб кетиши ва Марказий Осиё ислом радикаллари томонидан эгаллаб олинишини билдирди.
***
«Борига барака», «Омад шоу», «Миллионер шоу» каби кўрсатувлар томошабинга нима бермоқда?
Телеэкранларимизни «безаб» турган ва кейинги пайтларда гўёки ким ўзарга ҳар бир каналда ташкил этилаётган, моҳиятан эса қиморни эслатувчи кўрсатувларни бир кўз олдингизга келтиринг: «Борига барака», «Омад шоу», «Миллионер шоу», «Олтин калит»... Улар шакл жиҳатдан бироз фарқ қилса-да, аммо барчасининг негизида кўпчиликнинг пулидан камчиликка фойда келтириш, меҳнат қилмасдан осон пул топиш, ўзгаларнинг ҳисобидан бир пасда бойиб кетиш – машинали ёки уйли бўлиб қолиш каби нотўғри ғоялар мужассам.
***
Ўзбекистон гилоси биринчи марта Лондон бозорларида, ўриги эса Ҳиндистонда сотилмоқда.
Лондон расталарида, хусусан, шаҳардаги Ғарбий халқаро бозор (Western International Market)да Ўзбекистон—Британия савдо-иқтисодий муносабатлари тарихида илк бор 25 май куни Ўзбекистоннинг Наманган вилоятида етиштирилган янги гилослар пайдо бўлди.
Ҳиндистон бозорига эса ўзбек ўригининг биринчи партияси топширилди.
***
Ўзбекистонда Президент мактабларига ҳужжатларнинг онлайн қабули 1 июнь кунидан бошланади.
Президент мактабларига ҳужжатлар 2019 йилнинг 1 июнидан 22 июнигача топширилади. Жорий йилда Наманган, Нукус, Хива ва Тошкентдаги Президент мактабларига ўқувчилар 5—10-синфларига, келгуси йиллардан бошлаб эса 5-синфга қабул қилинади.
Изоҳ (0)