16 май куни Тошкентдан Озарбайжон пойтахти Боку шаҳрига борган Ўзбекистон фуқароси Баҳодир Муродов 19 май куни вафот этган. Бу ҳақда Ташқи ишлар вазирлиги ахборот хизмати хабар берди.
Маҳаллий ҳукумат органлари томонидан ўтказилган суд-тиббий экспертиза натижаларига кўра маълум бўлдики, 1974 йилда туғилган Баҳодир Муродов ўткир юрак етишмовчилиги оқибатида вафот этган.
«Консуллик-ҳуқуқий департаменти Баҳодир Муродовнинг қариндошларини қуйидаги телефон рақамлари орқали мурожаат қилишларини сўрайди: Тошкент шаҳри: +99899-860-89-98, Ўзбекистоннинг Бокудаги элчихонаси: +99450-298-33-11, +99412-497-25-52», — дейилади хабарда.
Изоҳ (0)